बजेटः वृहत् लुम्बिनी विकास कार्यक्रमका लागि ८३ करोड

Advertisement

भैरहवा– सरकारले ऐतिहासिक स्थल तिलौराकोट, रामग्रामसहितका सम्पदा समेटेर वृहत् लुम्बिनी विकास कार्यक्रम ल्याउने भएको छ । संघीय संसदमा शुक्रबार आगामी आर्थिक वर्ष २०८३–०८४ को बजेट वक्तव्य प्रस्तुत गर्दै अर्थमन्त्री डा.स्वर्णिम वाग्ले उक्त कुरा बताएका हुन् ।

Advertisement

यसका लागि ८३ करोड रुपैयाँ बजेट विनियोजन गरिएको छ । लुम्बिनी गुरुयोजना अझै पूरा भएको छैन । करिब पाँच दशक हुन लाग्दा समेत गुरुयोजनाले सार्थकता नपाएको हो । लुम्बिनीसँगै महत्वपूर्ण मानिएका तिलौराकोट, रामग्राम अझै ओझेलमा छन् । लुम्बिनी आउने पर्यटक त्यहाँ पुग्न सकेको छैनन् ।

सरोकारवालाले यी क्षेत्रको विकासमा लामो समयदेखि चासो व्यक्त गर्दै आएका छन् । यसपटकको बजेटमा भने सरकारले प्राथमिकता दिएको हो । यसले लुम्बिनीसँगै तिलौराकोट र रामग्रामको पनि विकास हुने अपेक्षा गरिएको छ । रामग्राममा बुद्धको अस्तिुधातु छ भने तिलौराकोट बुद्धले २९ वर्ष विताएको महत्वपूर्ण स्थल हो ।