प्यूठानमा मोटरसाइकल दुर्घटनामा एक युवाको मृत्यु

Advertisement

प्यूठान– मोटरसाइकल दुर्घटनामा प्यूठानमा एकजनाको मृत्यु भएको छ । मोटरसाइकलसहित खोलामा खसेका युवकको मृत्यु भएको प्रहरीले जनाएको छ । जिल्लाको गौमुखी गाउँपालिका–१ अर्खाका २५ वर्षीय हेमराज राना मगर गौमुखी–४ मा दुर्घटना हुँदा नेपाने खोलामा मोटरसाइकलसहित खसेका थिए ।

Advertisement

जिल्ला प्रहरी प्रवक्ता प्रहरी निरीक्षक हरि भट्टराईका अनुसार ठूलाबेसी–अर्खा सडक खण्ड अन्तर्गत ठूलाबेसीबाट अर्खातर्फ जाँदै गरेको मगर सवार लु ५६ प १५७६ नम्बरको मोटरसाइकलसहित उनी पानीमा डुबेको अवस्थामा शनिबार बिहान सवा ७ बजेतिर फेला परेका थिए।

मोटरसाइकलसहित मानिस पानीमा डुबेको देखेपछि स्थानीयले प्रहरीलाई खबर गरेका थिए। प्रहरीका अनुसार मगर मोटरसाइकलसहित सडकदेखि झन्डै ३५ मिटर मुनीको नेपाने खोलामा खसेको र त्यही डुबेर मृत्यु भएको अवस्थामा फेला परेका हुन्।

मगर गएराति दुर्घटनामा परेको अनुमान छ। घटनाबारे थप अनुसन्धान भइरहेको प्रहरीले जनाएको छ।