यी १६ देश, जहाँबाट लुम्बिनी आए मात्रै १–१ जना पर्यटक

भैरहवा– बुद्ध जन्मस्थल लुम्बिनीमा सन् २०२५ को नौं महिनासम्म १६ देशबाट जम्मा १–१ जना पर्यटक आएको पाइएको छ । लुम्बिनी विकास कोषले उपलब्ध गराएको तथ्यांक अनुसार केही युद्धग्रस्त देशहरुबाट समेत एक–एक जना मात्रै पर्यटकले लुम्बिनी घुमेका छन् ।

Advertisement

२०२५ को जनवरीदेखि सेप्टेम्बरसम्मको तथ्यांक अनुसार अफगानीस्तानबाट सेप्टेम्बरमा १ जना मात्रै पर्यटक आएन छन् । यस्तै, बेलारुसबाट मार्च, बेनिनबाट अप्रिलमा, बोस्निया र हर्जगोभिनाबाट फेब्रुअरीमा, बोलिभियाबाट अप्रिलमा, चाडबाट जुलाईमा, क्रोएशियाबाट मे महिनामा एक–एकजना मात्रै पर्यटक आएका छन् ।

यसैगरी, डोमिनिकाबाट अप्रिल, इक्केडरबाट मार्च, घानाबाट अप्रिल, टापुबाट जनवरी, केन्याबाट अप्रिलमा, मलावीबाट सेप्टेम्बरमा, माल्टाबाट अगस्टमा, साउदी अबरबाट अगस्टमा र स्वीजरल्याण्डबाट मार्चमा एक–एक जना पर्यटक मात्रै लुम्बिनी भ्रमणमा आएका छन् ।

नौ महिनाको अधिमा लुम्बिनी तेस्रो मुलुकका ९८ देशका ७२ हजार ५१० पर्यटक लुम्बिनी आएका छन् । सन् २०२४ भर १५ देशबाट एक–एक जना पर्यटक आएका थिए । उक्त वर्ष ११० देशबाट १ लाख ११ हजार ४०३ जनाले लुम्बिनी भ्रमण गरेका थिए । सन् २०२३ मा ६ देशबाट एक–एकजना पर्यटक लुम्बिनी आएका थिए । उक्त वर्ष ८५ मुलुकका ७६ हजार २१० पर्यटक लुम्बिनी घुम्न आएको विकास कोषको तथ्यांक छ ।