कस्तो छ ‘चित्रा’को ट्रेलर ?

नेपाली कथानक चलचित्र ‘चित्रा’को ट्रेलर सार्वजनिक भएको छ । सार्वजनिक करिब तीन मिनेट लामो ट्रेलरमा एक्सन र पारिवारिक कथाको मिश्रण देखिन्छ । 

जिम्मेवारी, आकर्षण, प्रेम, धोका र बदला ट्रेलरमा देख्न सकिन्छ । अर्पण थापा, प्रमोद अग्रहरी, मेनुका प्रधान, प्रकाश घिमिरे, अन्जना बराइली, सिम्रन खड्कालगायत कलाकार मुख्य भूमिकामा रहेको यही चलचित्रबाट सन्तोष अधिकारी डेब्यु गर्दै छन् । 

Advertisement

घनश्याम लामिछाने निर्देशित चलचित्रले बाबुछोरीको कथा भन्छ । 

चित्राका निर्माता आशिष थापा मगर हुन् भने सन्तोष अधिकारी कार्यकारी निर्मातामा छन् । अजय अधिकारीको कथा र मनिष गौतमको पटकथा रहेको चलचित्रमा राजनराज शिवाकोटीको संगीत छ ।

चलचित्र पुस २७ गते रिलिज हुनेछ ।