September 30, 2022, Friday
१४ आश्विन २०७९, शुक्रबार

‘दरबारे माया’ सार्वजनिक

गायक तथा संगीतकार जोसेफ शाही ठकुरीको देउडा शैलीको नयाँ गीत ‘दरबारे माया’ सार्वजनिक भएको छ । गीतमा  शब्द, संगीत जोसेफ स्वयंको छ । 

Advertisement

‘दरबारे माया’ आधुनिक शैलीको देउडा गीत रहेको जोसेफ बताउँछन् । “गाउँबाट ठूलो सपना बोकेर सहर छिरेको एक सोझो युवा धनाढ्य महिलासँग प्रेममा पर्छ । तर, सहरीया प्रेमीकाबाट धोका पाएर सबैथोक गुमाएपछि ऊ गाउँ फर्किन्छ,” जोसेफ गीतको कथा सुनाउँछन्, “चोखो माया गर्ने आफूजस्तै इमान्दार केटीसँग घरजम गरेर गाउँमै बस्ने तयारीमा जुटेको युवाको कथा गीतले भन्छ ।” 

पुरुषोत्तम सुवेदीको संगीत संयोजन र किशोर थापाको ध्वनी सम्पादन रहेको गीतको भिडियो पनि सार्वजनिक गरिएको छ । भिडयोमा मोडल बिना राउत, सुरज मल्ल, भद्र कुँवर, सङ्गकला गौतम, सचिन गौतमलगायततको अभिनय छ । 

बसन्त कुँवरको छायाँकन र टेकेन्द्र शाहको दृश्य सम्पादन रहेको  गीतको भिडियो निर्देशन गौरब गिरीले गरेका हुन् । 

गायक जोसेफले यसअघि गाएको गीत ‘पियारी’ लोकप्रिय भएको थियो । सोह शैलीमा तर अलि फरक भावमा  ‘दरबारे माया’ प्रस्तुत गरिएको जोसेफ बताउँछन् ।