April 20, 2024, Saturday
८ बैशाख २०८१, शनिबार

नियम उल्लंघन गरि सहकर्मीलाई चुम्बन गर्ने बेलायतका स्वास्थ्य मन्त्रीले दिए राजीनामा

बेलायतका स्वास्थ्य मन्त्री म्याट हान्ककले राजीनामा दिएका छन्।

Advertisement

कोरोना भाइरसको संक्रमण नियन्त्रण लागि भएको सामाजिक दूरीको नियम उल्लंघन गरेका कारण उनले मन्त्री पदबाट राजीनामा दिनु परेकाे हाे।

Advertisement

उनले सरकारले लागु गरेको सामाजिक दूरीको नियम उल्लंघन गरि सहकर्मीलाई चुम्बन गरेका थिए।

म्याटले प्रधानमन्त्री बोरिस जोन्सनलाई पत्र लेखेर राजीनामा दिएका हुन्।

उनले लेखेका छन्, ‘सरकार यो महामारीका बेला धेरै कुरा त्याग गरेका नागरिकप्रति ऋणि छ र जब हामीले उनीहरुलाई निराश पार्छौँ तब हामी इमान्दार बन्नै पर्छ।’

साजिद जाविद नयाँ स्वास्थ्य मन्त्री पक्का भएको पनि प्रधानमन्त्री जोन्सनको कार्यालयले जनाएको छ।

द सन पत्रिकाले म्याट र उनकी सहयोगी जिना कोलाडान्गेलोले चुम्बन गर्दै गरेका तस्बिर छापेको थियो।

स्वास्थ्य मन्त्रालय भित्रै मे ६ मा सो तस्बिर खिचिएको द सनले बताएको छ। दुवै विवाहित हुन् र उनीहरुबिच गोप्य रुपमा प्रेम सम्बन्ध रहेको दाबी पनि गरिएको छ।

म्याटले १५ वर्षको वैवाहिक जीवन पनि अन्त्य गरेको विभिन्न सञ्चारमाध्यमले उल्लेख गरेका छन् र त्यसको कारण सोही चुम्बन रहेको उल्लेख छ। जिनाले पनि स्वास्थ्य मन्त्रालयको जिम्मेवारी छोड्ने भएकी छन्।