अस्पतालको कोभिड वार्डमा आगलागी, इराकमा कम्तिमा ४० जनाको मृत्यु

इराकको एक अस्पतालको कोरोना भाइरसका संक्रमित उपचार हुने वार्डमा आगलागी हुँदा कम्तिमा ४० जनाको ज्यान गएको छ ।

Advertisement

दक्षिणी शहर नासिरियामा रहेको अल–हुशैन अस्पतालको कोडिभ वार्डमा आगलागी भएको हो । सोमबार अबेर आगलागी नियन्त्रणमा आएको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।

Advertisement

आगलागीको कारण खुलेको छैन । तर प्रारम्भीक अनुसन्धानले अक्सिजन ट्यांक बिस्फोट भएर आगलागी भएको अनुमान गरेको छ ।

उद्धारकर्मीहरुले उद्धार तथा खोजीको काम जारी राखेका छन् । कोभिड वार्डमा अझै पनि केही मानिसहरु फसेको हुन सक्ने आशंका छ । आगलागी भएको वार्डमा ६० जनाको क्षमता रहेको थियो ।