वाल स्ट्रिट जर्नलविरुद्ध ट्रम्पद्वारा १० अर्ब डलर क्षतिपूर्ति माग गर्दै मुद्दा दायर

पब्लिक कुरा
२०८२ श्रावण ३

555 Share

अमेरिकी राष्ट्रपति डोनाल्ड ट्रम्पले वाल स्ट्रिट जर्नल कम्पनीका मालिक रुपर्ट मर्डोक र दुई पत्रकार खादिजा सफदर र जोसेफ पलाजोलोविरुद्ध मुद्दा दायर गरेका छन् ।

ट्रम्पले उनीहरूविरुद्ध १० अर्ब डलर क्षतिपूर्ति माग गर्दै मुद्दा दायर गरेका छन् । ट्रम्पले २००३ मा जेफ्री एपस्टाइनलाई आफूले उनको ५० औँ जन्मदिनमा पत्र लेखेको र हस्ताक्षर गरेको तथ्य बनावटी भएको दाबी गरेका छन् ।

ट्रम्पका वकिल अलेजान्ड्रो ब्रिटोले दायर गरेको मुद्दामा पत्रिकालाई लेख गलत थियो भन्ने थाहा भए पनि त्यसलाई वास्ता नगरी ट्रम्पप्रति द्वेषपूर्ण व्यवहार गरेको दाबी गरिएको छ ।

मुद्दामा लेखमा सत्यता नभए पनि लाखौँ मानिसलाई वितरण गरिएको उल्लेख छ । लेखका कारण राष्ट्रपति ट्रम्पको प्रतिष्ठा र आर्थिक क्षति भइरहने मुद्दामा उल्लेख छ । मुद्दाको सुनुवाइको लागि इजलासलाई अनुरोध गरिएको छ ।

जेफ्री एपस्टाइन एक अमेरिकी फाइनान्सर थिए । उनको कम्पनीको नाम जे एपस्टाइन एण्ड कर्पोरेसन थियो । जेफ्री एपस्टाइनमाथि यौन दुर्व्यवहारको आरोप लागेको थियो । जेफ्री एपस्टाइनको २०१९ मा जेलमै मृत्यु भएको थियो । बीबीसी