सुरेन्द्र पाण्डे भन्छन्– स्वार्थका लागि गरिने वाम एकताले पार्टीको अस्तित्व नै सिध्याउँछ

Advertisement

नेकपा (एमाले) का प्रभावशाली नेता सुरेन्द्र पाण्डेले विचार र सिद्धान्तविहीन ‘वाम एकता’ को प्रयासप्रति कडा असन्तुष्टि व्यक्त गरेका छन्। पछिल्लो समय पार्टीभित्रका केही नेताहरू फेरि पनि एकताको दौडधुपमा लागेको तर्फ सङ्केत गर्दै पाण्डेले सामाजिक सञ्जालमार्फत यस्तो गम्भीर प्रश्न उठाएका हुन्।

Advertisement

उनले नेतृत्वमाथि सङ्कट आइलाग्दा वा आफ्नो गुम्दो अस्तित्व जोगाउनका लागि मात्र गरिने एकताले पार्टीको हित नगर्ने स्पष्ट पारेका छन्। विगतमा पद प्राप्तिका लागि गरिएका एकताको तीतो अनुभव सुनाउँदै उनले अहिलेको दौडधुपलाई पनि सोही प्रवृत्तिको निरन्तरताको रूपमा चित्रण गरेका छन्।

पाण्डेले एमाले आफैँमा एउटा बलियो र ऐतिहासिक विरासत बोकेको पार्टी भएको दाबी गर्दै तात्कालिक राजनीतिक लाभका पछाडि लाग्न नहुने तर्क अघि सारेका छन्। निश्चित गन्तव्य र स्पष्ट वैचारिक आधार बिना गरिने एकताले अन्ततः पार्टीको मौलिक मूल्य र मान्यतालाई कमजोर बनाउने उनको ठहर छ।