उत्कृष्ट शिक्षक र विद्यालय सम्मानित

पाल्पा– जिल्लाका उत्कृष्ट ३० शिक्षकलाई सम्मान गरिएको छ । लुम्बिनी प्रदेश, शिक्षा तथा सामाजिक विकास मन्त्रालय, सामाजिक विकास डिभिजन कार्यालय पाल्पामार्फत शिक्ष र उत्कृष्ट विद्यालयलाई पनि सम्मान गरिएको छ ।

सम्मानित शिक्षकलाई प्रतिशिक्षक १० हजार र प्रतिविद्यालयलाई दुई लाख ५० हजारका दरले सम्मान गरिएको हो । सामुदायिक विद्यालयको शैक्षिक सुधारमा योगदान पुर्याएवापत रामपुरको रामतुलसी मावि सम्मानित भएको छ ।

सामुदायिकतर्फ जिल्लामै नमूना विद्यालयको रूपमा रहेको यस विद्यालय पछिल्लो समय सबै अभिभावक तथा विद्यार्थीको रोजाइमा छ । विद्यार्थीको मनोभावनाअनुरुप विभिन्न कार्य गरी पठनपाठन गराउँदै आएको रामतुलसी माविका प्रधानाध्यापक बालकृष्ण लम्सालले जनाए ।