March 29, 2024, Friday
१६ चैत्र २०८०, शुक्रबार

भन्सार एजेन्टको परीक्षा : ६६० पदका लागि साढे ९ हजार भिड्दै

भन्सार एजेन्टको विज्ञापनको एक वर्षपछि परीक्षा सञ्चालन हुने भएको छ। भन्सार विभागले सार्वजनिक सूचना जारी गरी आगामी वैशाख १७ का लागि लिखित परीक्षा तय गरेको छ।

Advertisement

परीक्षा रोक्न माग गर्दै परेको रिट निवेदनमाथि सुनुवाइ गर्दै उच्च अदालत पाटनले यसअघिको अन्तरिम आदेशलाई निरन्तरता दिन नपर्ने आदेश चैत १३ मा दिएपछि परीक्षा हुने भएको हो।

Advertisement

आरक्षण व्यवस्था नगरिएको भन्दै क्रिष्टिना थैवले भन्सार विभागविरुद्ध उच्च अदालत पाटनमा रिट दायर गरेकी थिइन्। थैवले भन्सार एजेन्टसम्बन्धी सो विज्ञापनमा आरक्षण कोटा राख्नुपर्ने भन्दै मागदाबी गरेकी थिइन्।

गत वर्ष चैत १६ मा भन्सार एजेन्ट इजाजतपत्रका लागि दरखास्त भएको थियो। भन्सार एजेन्टको परीक्षा सोही वर्षको जेठ २२ र माघ २९ मा तोके पनि दुवै पटक स्थगित भएका थिए। यसअघि २८ फागुनमा परीक्षा तय भए पनि मुद्दाका कारण रोकिएको थियो।

६६० पदका लागि साढे ९ हजारले आवेदन दिएको भन्सार विभागले जनाएको छ।