भारतीय मजदुरबीचको विवादमा खुकुरी प्रहार हुँदा शुद्धोधनमा एकको मृत्यु
भैरहवा– खुकुरी प्रहारबाट रुपन्देहीको शुद्धोधन गाउँपालिकामा एक जना मजदुरको मृत्यु भएको छ। एक जना घाइते भएका छन् ।
खुकुरी प्रहारबाट शुद्धोधन–३, वेतानी स्थित एक सःमिलमा काम गर्ने पश्चिम नवलपरासीको सुस्ताका अवधेश चमारको मृत्यु भएको रुपन्देही प्रहरी प्रवक्ता डीएसपी सत्यनारायण थापाले बताए ।
उनकाअनुसार उक्त सःमिलमा कार्यरत भारतीय मजदुर रवि सिंहले खुकुरी प्रहार गरी चमार घाइत भएका थिए । गम्भीर घाइते भएका उनलाई बुटवलस्थित लुम्बिनी प्रादेशिक अस्पताल लगिँदै गर्दा बाटोमै मृत्यु भएको डीएसपी थापाले बताए ।
सिंहले खुकुरी प्रहारबाट घाइते भएका अवधेशका पिता गोपिचन्दको भने प्रादेशिक अस्लापतालमा उपचार भइरहेको प्रहरीले जनाएको छ । ‘मजदुरहरुबीच एकआपसमा विवाद हुँदा मापासे गरेका सिंहले एक्कासी खुकुरी प्रहार गरेको प्रारम्भिक अनुसन्धानबाट खुलेको छ’, डीएसपी थापाले भने ।
खुकुरी प्रहार गर्ने सिंह प्रहरीको नियन्त्रणमा छन् । घटनाबारे थप अनुसन्धान भइरहेको थापाले बताए ।
प्रतिकृया दिनुहोस्