February 16, 2025, Sunday
२०८१ फाल्गुन ४

संविधान दिवसको अवसरमा सशस्त्रद्वारा सरसफाई

भैरहवा– सशस्त्र प्रहरी बल नेपाल नं. २७ गण हे.क्वा. रुपन्देहीले संविधान दिवश २०७८ को अवसरमा सरसफाई गरेको छ ।

सशस्त्रले सिद्धार्थनगर नगरपालिका–८, बुद्धचोकस्थित शिव मन्दिरमा सरसफाई गरेको हो । मन्दिर ब्यवस्थापन समितिको समन्वयमा मन्दिर परिसरभित्र सरसफाई गरिएको सशस्त्रले जनाएको छ । सशस्त्र प्रहरी निरीक्षक ताम्रजंग बस्नेतको कमाण्डमा खटिएको ३० जनाको टोलीले आइतबार बिहान सरसफाई गरेको हो ।

सशस्त्रका एसपी राजेश उप्रेतीले दिवसको अवसरमा जिल्लाको विभिन्न ठाउँमा सरसफाई गरिएको जनाए । उनका अनुसार जिल्लामा रहेका सशस्त्र प्रहरी बल नेपालका सम्पूर्ण युनिटबाट विभिन्न मठमन्दिर तथा गुम्बा गरी १२ स्थानमा सरसफाई गरिएको छ ।