पौडी खेल्दा हराएका यादवको शव सशस्त्रले भेट्टायो

भैरहवा– पौडी खेल्ने क्रममा हराएका रुपन्देहीको सिद्धार्थनगर नगरपालिका–११, भुजौलीका बुद्धिराम यादवको शव सशस्त्र प्रहरीले फेला पारेको छ । ३५ वर्षीय यादव शनिबार दिउँसो भुजौलीस्थित खोलामा पौडी खेल्ने क्रममा हराएका थिए ।

पौडी खेल्दा खोलामा यादव हराएको खबर पाउनसाथ उनको खोजीमा सशस्त्र प्रहरी बल नेपाल नम्बर २७ गण हेडक्वाटर, रुपन्देहीका सशस्त्र प्रहरी निरीक्षक ताम्रजंग बस्नेतको कमाण्डमा १० जनाको टोली खटिएको थियो ।

सशस्त्रको टोलीले हराइरहेका यादवको खोजी गर्ने क्रममा करिब सवा घण्टापछि शव फेला पारेको एसपी राजेश उप्रेतीले जानकारी दिए । सशस्त्रले उक्त शव पोष्टमार्टमका लागि नेपाल प्रहरीलाई बुझाएको छ ।

Advertisement