अविश्वासको प्रस्तावमाथि छलफल गर्न विपक्षीद्वारा विशेष अधिवेशन माग

भैरहवा– लुम्बिनी प्रदेश सरकारविरुद्ध अविश्वासको प्रस्ताव दर्ता गरेका विपक्षी दलले प्रदेशसभाको विशेष अधिवेशन माग गरेका छन् ।

मंगलबार प्रदेश प्रमुख अमिक शेरचनलाई भेटी उनीहरुले विशेष अधिवेशनका लागि निवेदन दिएका हुन् । नेपाली कांग्रेस, नेकपा माओवादी केन्द्र, जनता समाजवादी पार्टी र राष्ट्रिय जनमोर्चाका सांसदले मुख्यमन्त्री पोखरेललाई प्रदेशसभाको समर्थन नरहेको भन्दै अविश्वास प्रस्तावमाथि छलफलका लागि विशेष अधिवेशन आह्वान गर्न प्रदेश प्रमुख समक्ष माग गरेका हुन् ।

विपक्षीले मंगलबार नै प्रदेशसभा सचिवालयमा अविश्वास प्रस्ताव दर्ता गराइसकेका छन् । ३४ सांसदले हस्ताक्षरसहित अविश्वास प्रस्ताव दर्ता गरेका थिए ।