संगीत निर्माता भैरहवाका रजत सिंह प्राज्ञा सदस्य नियुक्त
Advertisement
भैरहवा– नेपाल संगीत तथा नाट्य प्रज्ञा प्रतिष्ठानको प्राज्ञा सभा सदस्यमा रुपन्देहीका रजत सिंह नियुक्त भएका छन् । सिद्धार्थनगर नगरपालिका–९, गोलिगढ निवासी सिंह लामो समयदेखि संगीत क्षेत्रमा आबद्ध छन् ।
Advertisement
संस्कृति, पर्यटन तथा नागरिक उड्डयन मन्त्रालयले प्रतिष्ठानका प्रज्ञा सभा सदस्य नियुक्ति गरेको हो । नियुक्त २४ जना सदस्यहरुमा भैरहवाका सिंह पनि चयन भएका हुन् ।
स्थानीय राजेश सिंहका छोरा उनी पेसाले संगीत निर्माता, साउन्ड इन्जिनियर, गायक तथा गीतकार हुन् छ । यस क्षेत्रमा लामो अनुभव संगालेका उनी सरल, मृदुभाषी र सबैले रुचाउने खालका छन् ।
रजत संगीत तथा ध्वनि क्षेत्रमा सक्रिय प्रतिभाशाली संगीतकर्मी हुन् । उनले ओस्कारका लागि छनोटमा परेको जापानी चलचित्र (पेङलाइ)मा साउन्डसम्बन्धी कार्य गर्नुका साथै बीबीसी डकुमेन्ट्रीमा पनि साउन्डसम्बन्धी काम गरेको अनुभव संगालेका छन् ।
यसैगरी उनले विभिन्न छोटा फिल्म, नाटक तथा बलिउड फिल्महरूमा संगीत तथा अडियोसम्बन्धी कार्य गरिसकेका छन् । संगीत निर्माण, साउन्ड इन्जिनियरिङ, गायन तथा गीत लेखनमा समेत सक्रिय उनले नेपाली तथा अन्तर्राष्ट्रियस्तरका विभिन्न परियोजनामा आफ्नो प्रतिभा प्रस्तुत गर्दै आएका छन् ।
प्रज्ञा सभा सदस्य रजतलाई यो सफलता प्राप्त हुनुमा संगीतप्रतिको समर्पण, सिर्जनात्मक यात्राको निरन्तरता र नेपाली संगीतलाई नयाँ पुस्तासम्म पुर्याउने उनको योगदानको कदर भएको उनका सहपाठीहरु बताउँछन् । नेपाली कला, संस्कृति र संगीतको विकासमा उनको नियुक्तिले थप योगदान गर्ने विश्वास गरिएको छ ।
प्रतिकृया दिनुहोस्