रूपन्देहीमा धमाधम पालिका अधिवेशन गर्दै रास्वपा, आठ वटामा नेतृत्व चयन

Advertisement

भैरहवा– आगामी राष्ट्रिय महाधिवेशनलाई लक्षित गरी राष्ट्रिय स्वतन्त्र पार्टी (रास्वपा) ले स्थानीय तहमा धमाधम अधिवेशन गरिरहेको छ । यसैक्रममा रुपन्देहीका नयाँ नेतृत्व चयनलाई तिव्रता दिइएको छ । १६ स्थानीय तह रहेको रुपन्देहीमा हालसम्म ८ वटामा अधिवशेन भइसकेको छ । केहीमा सर्वसम्मत नेतृत्व चयन भए पनि केही पालिमा चुनाव मार्फत् नेतृत्व टुंग्याइएको छ ।

Advertisement

पार्टीको जिल्ला निर्वाचन समितिका अनुसार कञ्चन गाउँपालिकाको सभापतिमा प्रेमचन्द्र पोखरेल, शुद्धोधन गाउँपालिकामा बैदलाल शर्मा र सियारी गाउँपालिकामा रुद्रलाल शर्मा सभापति चयन भएका छन् । यस्तै, बुटवल उपमहानगरपालिकाको अधिवेशनबाट राजेश्वर (राजन) पाण्डे पुनः सभापतिमा निर्वाचित भएका छन् भने तिलोत्तमामा रुस्तम कँडेल दोहोरिएका छन् ।

त्यसैगरी सैनामैनामा लक्ष्मण पौडेल, मायादेवी गाउँपालिकामा हरि कुँवर तथा गैडहवा गाउँपालिकामा ओमप्रकाश भट्टराई सभापतिमा चयन भएका छन् । बाँकी रहेका पालिकाहरुमा पनि अधिवेशनको तयारी गरिरहेको रास्वपा रुपन्देही सभापति बुद्धि शर्माले जनाए ।

सभापति शर्माका अनुसा बुटवल, गैडहवा र तिलोत्तमा नगरपालिकामा नेतृत्व चयनका लागि निर्वाचन भएको थियो भने अन्य पालिकामा सहमतिमै नेतृत्व छानिएको हो । जेठ १४ गते देवदह र १६ गते सिद्धार्थनगर नगरपालिकाको अधिवेशन गर्ने तय भएको छ । यस्तै, लुम्बिनी सांस्कृतिकको अधिवेशनको तयारी गरिएको छ ।