रूपन्देही–१ का मतदातासँग मन्त्री लम्सालले भने– सरकारले दशैँसम्ममा लालपुर्जा दिन्छ, आन्दोलनमा नजानुहोस्

Advertisement

भैरहवा– संघीय सरकारका पूर्वाधार विकास मन्त्री सुनिल लम्सालले दशैँसम्म सबै सुकुम्बासीले लालपुर्जा पाउने दावी गरेका छन् । आफ्नो निर्वाचन क्षेत्र रूपन्देही १ का मतदातासँग कुरा गर्दै उनले कसैको उक्साहटमा आन्दोलनमा नजान पनि अनुरोध गरे ।

Advertisement

‘अहिले आन्दोलन गर्नुको अर्थ छैन’, उनले भने, ‘सरकारले वास्तविक सुकुम्बासीलाई समस्या पार्दैन । बाहिर आएका सबै हल्ला हुन् ।

उनले आफूहरुले गफ नदिई काम गर्ने जनाए । ‘हामी भनेको गफ नदिइकन काम गर्ने टोली हो । सधैँ त्यसै गर्नेवाला हो । हामीले पहिलो क्याबिनेटको बैठकमा सुकुमबासी समस्या सधैँको लागि समाधान गर्ने योजनाका साथ अघि बढाएका छौँ,’ उनले भने, ‘त्यो सधैंको लागि समाधान गर्ने भनेर ५ कार्ययोजना बनायौँ, क्याबिनेटमा १०० दिनभित्र यसको के के गर्ने, के के गर्ने, के के गर्ने, एकदम टाइमलाइन अनुसार गएका छौं ।’

उनले काठमाडौँको केस भनेको एकदमै अलग भएको जनाए । ‘अरूलाई ढाँट्न त भएन नि, वर्षामा मान्छेहरू मरेको, समस्या भएकाले उनीहरुलाई विकल्प चाहिएको हो’, ‘त्यही भएर विकल्प दिइएको हो । बस्ती खाली गराइएको हो ।’

उनले दोहोर्याए, ‘हाम्रो काम गर्ने जुन शैली छ त्यही रफ्तारमा हिँडेका छौँ, दशैँसम्म सबैले पुर्जा पाउछन् आन्दोलन गर्नुको अर्थ छैन ।’