दुई युवा सहिदको शालिक अनावरण
Advertisement
नेपालगन्ज–जेनजी आन्दोलनमा मृत्यु भएका स्थानीय दुईजना युवा सहिदको नेपालगन्ज उपमहानगरपालिका–१, धम्बोझी वाटरपार्कमा शालिक निर्माण गरी शुक्रबार अनावरण गरिएको छ ।
Advertisement
जेनजी आन्दोलनमा स्थानीय युवा सुलभराज श्रेष्ठ र आयुष थापाको स्मृतिमा वडा कार्यालयले सहिदको अर्धकदको सालिक निर्माण गरी अनावरण गरेको हो ।
सहिद आयुषका पिता सुशील थापा, आमा पुनम थापा, नेपालगन्ज उपमहानगरपालिकाका प्रमुख प्रशान्त विष्ट लगायतले सालिकको अनावरण गरेका थिए ।
सुलभ र आयुषले गत भदौमा भएको जेनजी आन्दोलनकोक्रममा काठमाडौँमा सुरक्षाकर्मीको गोली लागेर शाहदत प्राप्त गरेका थिए ।
नेपालगन्ज उपमहानगरपालिका वडा नम्बर १ का अध्यक्ष प्रमोद रिजालले सहिद इन्जिनियर सुलभराज श्रेष्ठ र सहिद आयुष थापा स्मृति योग तथा खोप केन्द्र भवन र खुला व्ययामशाला समेत निर्माण गरी उद्घाटन गरिएको जनाए ।
प्रतिकृया दिनुहोस्