दाङमा सरकारी जग्गा खाली गराउन पालिका प्रमुख–उपप्रमुखलाई छलफलमा बोलाइयो

Advertisement

दाङ– सरकारी तथा सार्वजनिक जग्गा अतिक्रमण हटाउनका लागि जिल्ला प्रशासन कार्यालय, दाङले १० वटै स्थानीय तहका प्रमुख-उपप्रमुख एवं अध्यक्ष–उपाध्यक्षलाई छलफलका लागि बोलाएको छ ।

Advertisement

सरकारले गएको चैत्र १४ गते शासकीय सुधारका लागि ल्याएको एक सय बुँदे कार्यसूचि अन्तर्गत जिल्ला प्रशासनले पालिका प्रमुख र उपप्रमुखलाई छलफलका लागि बोलाएको हो ।

सरकारले सार्वजनिक गरेको एकसय कार्यसूचि मध्य ९२ नम्बर बुँदामा नयाँ अतिक्रमणमा कडाइका साथ रोक लगाउने र सरकारी तथा सार्वजनिक जग्गा अतिक्रमण गरेर बनाइएका घरटहरा हटाउने कार्य तत्काल सुरु गर्ने उल्लेख गरिएको छ ।

यसैलाई आधारमा मानेर जिल्ला प्रशासन कार्यालय दाङले परिपत्र गरेको प्रमुख जिल्ला अधिकारी विश्वप्रकाश अर्यालले बताए ।

जिल्ला प्रशासन कार्यालयलाई संघीय सरकारको प्रतिनिधिका रुपमा लिइन्छ । प्रशासनले सवा १० बजे स्वास्थ्य कार्यालयको सभाहलमा बोलाएको छ ।