दाङ पुगेर ज्ञवालीले भने– संविधानले नचिन्ने सरकार छ, संसद पुनर्स्थापना हुनुपर्छ

Advertisement

दाङ– नेकपा एमालेका उपमहासचिव प्रदीप ज्ञवालीले संसद् पुनर्स्थापना, संविधान संशोधन, जेनजीसहितको सर्वदलीय सरकार र अर्ली इलेक्सन एमालेको रोडम्याप भएको बताएका छन् । ज्ञवालीले यथास्थितिमा चुनावको कुनै औचित्य नहुने स्पष्ट पारेका छन् ।

Advertisement

बिहीबार प्रेस चौतारी नेपाल, दाङले तुलसीपुरमा गरेको पत्रकार सम्मेलनमा बोल्दै उनले भने, ‘एमालेको ‘रोडम्याप’ भनेकै संसद् पुनर्स्थापना, संविधान संशोधन, सर्वदलीय सरकार र अर्ली इलेक्सन हो । नेता ज्ञवालीले यथास्थितिमा हुने चुनाव शाही कालमा भएको स्थानीय सरकार जस्तै हुने बताए ।

अहिले संविधान घाइते अवस्थामा रहेको र लोकतन्त्र खतरामा भएको उनको दावी छ । ‘संविधानले नचिन्ने सरकार छ । संविधानले अस्वीकार गरेका मन्त्री छन्’, ज्ञवाली भने ।

सरकारले चुनाव गराउने बताए पनि चुनावको वातावरण बनाउन तयार नभएको ज्ञवालीको आरोप छ । दलका नेताको अनुहार हेर्नु छैन भन्ने प्रधानमन्त्रीको अभिव्यक्तिले चुनाव बनाउन नचाहेको उनको भनाइ छ । संविधान घाइते अवस्थामा भएको भन्दै ज्ञवालीले संविधानले नचिन्ने सरकारले शासन गरेको बताए ।