निजामती दिवसः १० किलोमिटर रोड रेसमा सामाजिक विकास मन्त्रालयका सचिव प्रथम

Advertisement

दाङ– लुम्बिनी प्रदेश निजामती सेवा दिवसको अवसरमा आयोजना गरिएको १० किलोमिटर ‘रोड रेस’को उपाधि सामाजिक विकास मन्त्रालयका सचिव वसन्तप्रसाद कोइरालाले हात पारेका छन् । राप्ती गाउँपालिकास्थित भित्री सडकमा राखिएको रोड रेस प्रतियोगितामा सबैभन्दा पहिले यात्रा पूरा गर्दै कोइरालाले उपाधि हात पारेका हुन् ।

Advertisement

प्रतियोगितामा ४५ जना कर्मचारीले भाग लिएका थिए । प्रमुख सचिव बावुराम अधिकारीसहित रोड रेसमा सहभागीहरू मध्ये अधिकांशले यात्रा पूरा गरेका थिए ।

रोड रेसमा दोस्रो स्थान स्वास्थ्य मन्त्रालयका कर्मचारी उमेश रावत, तेस्रो लुम्बिनी प्रदेश योजना आयोगका सचिव खिमबहादुर कुँवर, चौथो आर्थिक मामिला तथा योजना मन्त्रालयका रञ्जित राउत, पाँचौं युवा तथा खेलकुद मन्त्रालयका गोपाल वली भएका छन् ।

यसैगरी छैठौंमा वन तथा वातावरण मन्त्रालयका निर्मल चौधरी, सातौंमा प्रदेश सभा सचिवालयका अशोककुमार घर्तीमगर, आठौं स्थानमा प्रदेश लेखा नियन्त्रक कार्यालयका सतेन्द्र राय, नवौंमा उद्योग, पर्यटन तथा यातायात मन्त्रालयका लालबहादुर कुंवर र दशौं स्थानमा प्रदेश सभा सचिवालयका किरणकुमार थारुे दौड पूरा गरेका छन् । प्रदेशमा तीन दिन विविध कार्यक्रम गरेर निजामती सेवा दिवस मनाइएको छ । आइतबार झाँकी प्रदर्शन र मूल समारोह हुँदैछ ।