सिद्धार्थ राजमार्गमा पहिरोले कार पुर्‍यो

बुटवल– सिद्धार्थ राजमार्गमा बुटवलबाट पाल्पातर्फ जाँदै गरेको कार पहिरोमा पुरिएको छ । पाल्पाको तिनाउ गाउँपालिका–३ को बुटवल–पाल्पा सडक खण्डको सिद्धबाबा मन्दिर नजिक माथिबाट खसेको पहिरोले कार पुरेको हो ।

बुटबलबाट पाल्पाको भैरवस्थान जाँदै गरेको लुम्बिनी प्रदेश ज.०२७६ नम्बरको कार माथिबाट आएको पहिरोको कारण पूर्ण रुपले क्षती भएको छ । कारमा सवार यात्रु सकुसल रहेको दोभान प्रहरीले जनाएको छ । पहिरो बिहान ४ बजेको समयमा गएको थियो । पहिरोले अबरुद्ध राजमार्ग भने केहीबेर अघि एकतर्फी खुलाइएको छ ।