स्वास्थ्यमा समस्या देखिएपछि लुम्बिनीका प्रदेश प्रमुख शेरचन अस्पताल भर्ना

बुटवल– स्वास्थ्यमा समस्या देखिएपछि लुम्बिनी प्रदेशका प्रदेश प्रमुख अमिक शेरचन अस्पताल भर्ना भएका छन् । शेरचनका प्रमुख स्वकीय सचिव नारायणप्रसाद आचार्यले बेन स्टप भएपछि अस्पताल भर्ना गरिएको जनाए । उनका अनुसार प्रदेश प्रमुख शेरचन अहिले खतरा मुक्त छन् ।

१३ गते बिहीबार साँझदेखि बिरामी परेका शेरचनको ललितपुर भैसेपाटीस्थित मेडिसिटी अस्पतालमा उपचारका लागि भर्ना गरिएको छ । शेरचनको देब्रे हात नचल्ने भएको छ । उपचारपछि आर्इसीयुबाट अहिले क्याबिनमा सारिएको बताए । चिकित्सकको सल्लाहअनुसार अझै केही दिन अस्पताल राख्ने के गर्ने भन्नेबारे छलफल भइरहेको उनले बताए ।

Advertisement