समाचार
दुनियाँ भन्थे –
समाचार सुन्नु पर्छ
टिभी हेर्नुपर्छ
पत्रपत्रिका पढ्नुपर्छ
Advertisement
मैले हेरेँ –
युद्धका बाछिटा
मानवताको खाडल
दुर्घटना नै दुर्घटना
अपराधको महल
धूर्तहरूको रजाइँ
पीडितहरूको चीत्कार
Advertisement
म पनि उही सोचाइमा छु
विश्वका सम्भ्रान्तहरू
एलन मस्क झैँ
विल गेट्स झैँ
मार्क जुकरबर्ग झैँ
उनीहरू भन्थे-
समाचारमा आउन पैसा चाहिन्छ
बस् ! टन्न पैसा कमाउनुस्
समाचारका हरफमा अटाउनुस्
म विकर्षणमा डुब्न सक्दिन-
घमन्ड तथा अहमताको
मानवीय दरिद्रताको
न चिथोर्न सक्छु
कसैको व्यक्तित्व
मैले छोडेको छु-
समाचार सुन्न
टिभी हेर्न
अखबारहरू पढ्न
म भित्रको दम्भ हो कि !
बुझ्नेले बताउनुहोला
रासायनिक उथल पुथल हुन सक्छ
कहिले खुसीका उच्च डोपामाइनहरू
कहिले पीडाका झुर कार्डोसिलहरू
-ratopati
प्रतिकृया दिनुहोस्