जेठाजुद्वारा बुहारी बलात्कृत

गुल्मी – आफ्नै भाइ बुहारीलाई  बलात्कार गरेको  आरोपमा  गुल्मीमा जेठाजु  पक्राउ परेका  छन् । जिल्लाको  धुर्कोट  गाउँपालिका-६  निवासी  ३५  वर्षीय जेठाजुले  आफ्नै  सहोदर  भाइकी  १९ वर्षीय श्रीमतीलाई बलात्कार गरेको  आरोपमा  पक्राउ परेका  हुन्  ।

असार  १४ गते  दिउँसो  सोही  वडाको  किटानी  भन्ने  स्थानको  गोठमा  भाइ  बुहारी  बलात्कार  गरेको  आरोपमा  जाहेरी  परेपछि  शुक्रबार पक्राउ  गरिएको  जिल्ला  प्रहरी  कार्यालयका  सूचना  अधिकृत  प्रहरी  निरीक्षक  श्याम प्रकाश  यादवले  जानकारी  दिए  ।

यादवका  अनुसार  ती  महिलाका  श्रीमान्   रोजगारीका  सिलसिलामा  देश बाहिर   छन्  । पक्राउ परेका ती व्यक्ति माथि अनुसन्धान भइरहेको प्रहरीले जनाएको छ ।