रुपन्देहीको मायादेवी अध्यक्षमा चौधरी निर्वाचित

भैरहवा- रुपन्देहीको मायादेवी गाउँपालिकामा नेपाली काँग्रेसका ध्रुवनारायण चौधरी निर्वाचित भएका छन् । चौधरीले अध्यक्ष पदमा ५ हजार ३ सय ८६ मत ल्याएर विजयी भएका हुन् ।  उनी यसअघि २०७४ मा पनि कांग्रेसबाट अध्यक्ष निर्वाचित भएका थिए ।

उनका निकटतम प्रतिद्वन्द्वी लोकतान्त्रिक समाजवादी पार्टीका राम अधारे अहिरले ४ हजार ९ सय ८८ मत प्राप्त गरे । उपाध्यक्षमा लोसपाकी नर्वदादेवी उपाध्यय ४ हजार ९ सय ४२ मत ल्याएर विजयी भएकी छन् । उनको निकटतम प्रतिद्वन्द्वी कांग्रेसको तारादेवी यादवले ४ हजार ८ सय ८९ मत प्राप्त गरिन् ।

Advertisement

मायदेवीको वडा नम्बर १ मा एमालेका पलटु लोध ७ सय २२ मत ल्याएर विजयी भएका छन् । वडा नम्बर २ मा कांग्रेसका अगनु यादव ८ सय १७ मत ल्याइ विजयी भएका छन्   भने ३ मा कांग्रेसकै मुहम्मद रफिक खान ९ सय ७७ मत ल्याइ विजयी भए  । वडा नम्बर ४ मा एमालेका अरुणकुमार तिवारी ५ सय ५१ मत ल्याइ विजयी भए भने ५ मा कांग्रेसका तेजनारायण पाल ७ सय २ मत प्राप्त गरि विजयी हुन सफल भए ।

वडा नम्बर ६ मा लोसपाका अवधराज यादव ८ सय ९५ मत ल्याइ विजयी भए  ।  ७ मा लोसपाका शैलेन्द्रकुमार पाण्डेले १ हजार ३ सय ४९ मत प्राप्त गरी निर्वाचित भए ।  वडा नम्बर ८ मा एमालेका चोकबहादुर मगर ७ सय ४२ मत ल्याएर विजयी भए ।