महँगो टिकट

मन नदुखाऊ टिकट नपाउनेहरू
यहाँ टिकट सित्तै कहाँ पाइन्छ र  
खनखनी गनेर लिने टिकट
त्यसै बाझेर कहाँ ल्याइन्छ र

मत पनि कहाँ त्यति सस्तो छ र 
भिख मागेसरी
गनेरै ल्याएको टिकटलाई
कसले दिन्छ र मनपरी

Advertisement

यहाँ मोल हुन्छ सबैको
नबुझ्नु नै गल्ती भो
करोडौँकरोड मूल्य भएको टिकट 
सित्तैमा खोज्नु मूर्खता हो

नरोऊ टिकट नपाउनेहरू
३० गते ती मत कम पाउने अवश्य रुनेछन् 
मै खाऊँ मै लाऊँको यो संसारमा
मतदानपछि मतदाता पाँच वर्षै रुनेछन् !