उच्च अदालत बुटवलद्वारा रविलाई रिहा गर्न आदेश, जोशी भने थुनामै रहने

पब्लिक कुरा
२०८२ पुष ३

924 Share

बुटवल– पुर्पक्षका लागि कारागारमा रहेका रास्वपा सभापति तथा पूर्व उपप्रधानमन्त्री तथा गृहमन्त्री रवि लामिछानेलाई अदालतले रिहा गर्न आदेश दिएको छ । उच्च अदालत बुटवल इजलासले बिहीबार लामिछानेलाई रिहा गर्न हादेश दिएको हो ।

बुटवलको सुप्रिम सहकारी ठगी र संगठित अपराध मुद्दाको आरोपमा उनी पुर्पक्षका लागि थुनामा छन् । अदालतको आदेशपछि लामिछाने अब रिहा हुनेछन् । उनी हाल काठमाडौंको नख्खु कारागारमा छन् । उच्च अदालत बुटवलका सूचना अधिकारी रामबहादुर कुँवरले रविलाई २ करोड ६८ लाख रुपैयाँ जमानतवापत राख्न र त्यो राखेमा थुनामुक्त गर्न आदेश दिएको हो ।

रविलाई धरौटीमा रिहा गर्न आदेश भए पनि छबिलाल जोशीको हकमा भने रिहाइको आदेश नभएको सूचना अधिकारी कुँवरले बताए ।