सुजुकी ‘सुभ भिक्टोरियाज’ गाडी सार्वजनिक, भैरहवामा विक्री सुरु

पब्लिक कुरा
२०८२ पुष २४

1262 Share

भैरहवा– नेपालका लागि सुजुकी गाडीको आधिकारिक बिक्रेता सीजी मोटर कर्पले सबैभन्दा धेरै फिचर भएको नयाँ ब्राण्डको ‘सुभ भिक्टोरियाज’ गाडी सार्वजनिक गरेको छ । यससँगै भैरहवा क्षेत्रमा उक्त गाडी विक्री सुरु समेत भएको छ ।

भैरहवा क्षेत्रका लागि सुजुकी गाडीको आधिकारिक बिक्रेता पाठक मोटर ग्रुप प्रालिले बिहीवार भैरहवामा पनि उक्त ब्राण्डको गाडी सार्वजनिक गरेको हो । पाठक मोटर ग्रुप प्रालिका निर्देशक बाबुराम पाठक, लुम्बिनी प्रेस क्लब्का अध्यक्ष कमल रायमाझी, सीजी मोटर कर्पका डिलर इन्चार्ज आदर्श भण्डारी र अजय तिमिल्सिनाले संयुक्त रुपमा नयाँ गाडी सार्वजनिक गरेका हुन् ।

नयाँ भिक्टोरियाज गाडीमा स्ट्रोङ हाइब्रिड र १ दशमलव ५ लिटर स्मार्ट हाइब्रिड पेट्रोल इञ्जिनका बिकल्प रहेको र यो गाडी म्यानुअल र अटोमेटिक बिकल्पमा उपलब्ध रहेको कम्पनीले जनाएको छ ।

गाडी लन्चिङको अवसरमा सुभ भिक्टोरियाज गाडीको अफर चलेको र यसको मूल्य ५० लाख ९९ हजार रुपैयाँ रहेको कम्पनीले जनाएको छ । लन्चिङ अफर अन्तर्गत २ लाख रुपैयाँसम्मको एकसचेन्ज बोनस उपलब्ध हुनेछ । यो सुविधा पहिलो ५० गाडी बुकिङका लागि उपलब्ध गराइने सीजी मोटर कर्पले जनाएको छ ।

सीजी मोटरकर्पका डिलर इन्चार्ज आदर्श भण्डारीले सुरक्षा र आरामदायीको हिसावले सुभ भिक्टोरियाज गाडी उच्चतम प्रविधिको रहेको बताए । उनका अनुसार, यो गाडीको माइलेज २१ किमी भन्दा धेरै छ । सडकमा अगाडिको गाडीको स्पिड अनुरुप यसले आफ्नो स्पिड नियन्त्रणमा राख्छ ।

‘अगाडिको गाडी तिब्र गतीमा चले यो पनी तिब्र गतीमा र कम गतीमा चले कम गतीमैं चल्ने गर्छ । अगाडिको गाडी रोकिएमा यो पनी रोकिन्छ’, भण्डारीले भने, ‘धेरै ओरालोमा यो गाडीले आफै ब्रेक समात्ने भएकाले ब्रेक धेरै दवाउनु पर्दैन ।’ गाडीले भित्र हावा शुद्धिकरण गरेर पठाउने भएकाले प्रदूषण नहुने र पार्किङ गरेको स्थानमा १५ सेकेण्ड देखि १ मिनेटसम्म बत्ति बल्ने गर्छ ।

गाडी लन्चिङ समारोहमा बोल्दै लुम्बिनी प्रेस क्लबका अध्यक्ष रायमाझीले नयाँ गाडीले सबैको मन जित्ने विश्वास गरे । उनले प्रतिस्पर्धी बजारमा सेवासुविधा र ग्राहकको मन जित्नेको नै व्यापार बृद्धि हुने बताउँदै यसका लागि सुजुकीले त्यो भूमिका खेल्ने जनाए ।
पाठक मोटरका निर्देशक बाबुराम पाठक र भैरहवा प्रबन्धक सुर्जुना थैवले नेपाल बजारमा भित्रिएको यो गाडी आरामदायी, भरपर्दो र प्रविधियुक्त रहेको जनाए । उनीहरु ग्राहकको मन जित्नेमा आफूहरु विश्वस्त रहेको सुनाए ।

गाडीमा ६ वटा एयरव्याग, स्वचालित इमर्जेन्सी ब्रेक, एडेप्टिभ क्रुज कन्ट्रोल, लेन किप असिस्ट, ११ वटा फरक दृष्य देखाउने हाइ–डेफिनिसन क्यामेरा र टायर प्रेसर मोनोटरिङ सिस्टम, सवै पाँग्रामा डिस्क ब्रेक, बिद्युतीय स्टेबिलिटी प्रोगाम, हिल होल्ड कन्ट्रोल, रिभर्स पार्किङ सेन्सर लगायतका अत्याधुनिक प्रबिधिका विशेषता उपलब्ध छन् ।