बरिष्ठ उद्योगी राजेश अग्रवाल महासंघको केन्द्रीय कार्यकारिणी सदस्य निर्वाचित

Advertisement

भैरहवा– रुपन्देहीका बरिष्ठ उद्योगी राजेशकुमार अग्रवाल नेपाल उद्योग बाणिज्य महासंघको एसोसिएटतर्फ केन्द्रीय कार्यकारिणी समिति सदस्यमा निर्वाचित भएका छन् । महासंघको मंगलबार राति सार्वजनिक मतपरिणाम अनुसार अग्रवालले १ हजार ८२ मत प्राप्त गरी निर्वाचित भएका हुन् ।

Advertisement

३० वर्षदेखि औद्योगिक एवं व्यवसायिक क्षेत्रमा क्रियाशील अग्रवाल एसअघि सिद्धार्थ उद्योग बाणिज्य संघमा पनि विभिन्न तहमा रहेर काम गरिसकेका छन् । यसअघि उनी महासंघको सोही पदमा निर्वाचति भएर काम गर्दै आएका निए । अग्रवाल अघिल्लो कार्यसमितिमा महासंघको उद्योग समितिको सभापति समेत थिए ।

अर्घाखाँची सिमेन्ट लिमिटेड, श्री स्टिल्स, सिद्धार्थ ग्रुपका प्रबन्ध निर्देशक, सिद्धार्थ सिमेन्ट, सिद्धार्थ आयल इन्डष्ट्रिज, सिद्धार्थ रिफाइनरी, सिद्धार्थ मिनिरल्स, एक्सन पोलिमर्स, एसिएन कंक्रिटो र सिद्धार्थ पेट प्लाष्ट इन्डष्ट्रिजका सञ्चालक समेत रहेका अग्रवाल निजी क्षेत्रका अब्बल उद्योग हुन् ।

उनले उद्योग–व्यवसायसँगै सामाजिक क्षेत्रमा पनि लामो समयदेखि योगदान दिँदै आएका छन् । शिक्षा, स्वास्थ्य, धार्मिक क्षेत्र, पूर्वाधार विकास र गरिब तथा निमुखाहरुलाई उनले आर्थिक सहयोग गर्दै आएका छन् । रुपन्देहीमा बसेर मुलुकका अग्रणी प्रतिष्ठान हाँकीरहेका अग्रवाल इमान्दार, मृदुभाषाी र सहयोग स्वभावका छन् ।

मुलुकको अर्थतन्त्र बलियो बनाउन र रोजगारी सिर्जनामा लामो समयदेखि योगदान दिएकै कारण उनले निजी क्षेत्र, सरकारी निकाय र नेपाल सरकारबाट समेत विभिन्न पुरस्कारबाट पुरस्कृत भएका छन् । अग्रवाल ‘सुप्रबल जनसेवाश्री’ पदकबाट समेत विभुषित उद्योग हुन् ।