अन्योलमा खोप खरिद वा अनुदान उपलब्ध गराउने प्रतिबद्धता
विभिन्न देशले कोरोना संक्रमण रोकथामका लागि अति आवश्यक मानिएको खोप खरिद वा अनुदान उपलब्ध गराउने प्रतिबद्धता अन्योल बनेको छ । हालसम्म अमेरिका, बेलायतलगायत देशले खोप उपलब्ध गराउने प्रतिबद्धता जनाए पनि परिणाम शून्य छ ।
Advertisement
ती देशले खोप उपलब्ध गराउने मिति र समय अझै घोषणा गरिसकेका छैनन् । पछिल्लोपटक चीन सरकारले मात्रै १० लाख मात्रा भेरोसिल खोप उपलब्ध गराएको छ । खोप लगाउन पाउने आशामा रहेका आमनागरिक प्रताडितसमेत बनेका छन् । त्यस्तै, खरिद प्रक्रियामार्फत खोप ल्याउन सरकारले पहल गर्दै सम्बन्धित देशमा पत्राचार गर्दासमेत ठोस जवाफ आएको छैन ।
Advertisement
उनीहरूले खोप दिन इच्छा जाहेर गरे पनि कहिले, कति मात्रा ? उपलब्ध गराउने निचोड दिएका छैनन् । राष्ट्रपति विद्यादेवी भण्डारीले चीनका राष्ट्रपति सी जिनपिङसँग टेलिफोन संवादमार्फत ‘खोप उपलब्ध गराउन’ आग्रह गरेकी थिइन् । भारत, बेलायत, रुस र अमेरिकी राष्ट्रपतिलाई समेत खोप उपलब्ध गराउन उनले पत्राचार गरिसकेकी छन् ।
तीमध्ये भारत सरकारले भने तत्काल कोभिसिल्ड खोप उपलब्ध गराउन नसक्ने प्रस्ट पारिसकेको छ । जबकि स्वास्थ्य मन्त्रालयले भारतलाई १० लाख मात्रा खरिदका लागि रकमसमेत उपलब्ध गराइसकेको छ । त्यस्तै, अमेरिकाले नेपाललगायतका देशलाई ‘कोभ्याक्स फ्यासिलिटी’मार्फत खोप उपलब्ध गराउने भने पनि ‘ कहिलेसम्म नेपाल आइपुग्ने ? अन्योल कायमै छ । नेपाल सरकारले चीनसँग पहिलो चरणमा २० लाख डोज खोप किन्ने प्रस्ताव गरेको थियो ।
यो समाचार आजको राजधानी दैनिकमा छ ।
- लुम्बिनी सरकार विस्तारमा ‘दीपेन्द्रले अड्याएको हलो’
- राष्ट्रियसभा निर्वाचन माघ ११ गते गर्ने सरकारको निर्णय
- देश कति बन्यो, कति बाँकी ?
- के तपाईंको बच्चाको छातीमा घ्यारघ्यार हुन्छ ?
- वनको आम्दानीले विकास
- अख्तियारको निर्देशन र सरकारी अधिकारीको रबैया
- सुत्केरीको मृत्युपछि बुटवलको आम्दा अस्पतालका मेसुमाथि कुटपिट
- चीनको कोइला खानीमा दुर्घटना, ११ को मृत्यु
- जसले २६०० जनालाई मुद्दा हालेर बने करोडपति, गिनिज बुकविरुद्धसमेत मुद्दा
- तीन वर्षपछि बार्सिलोना अन्तिम- १६ मा
प्रतिकृया दिनुहोस्