लागूऔषधसहित शुद्धोधनबाट एकजना पक्राउ

भैरहवा– रुपन्देहीमा लागूऔषधसहित एकजना पक्राउ परेका छन् । जिल्लाको शुद्धोधन गाउँपालिका–७, सिसवा स्थितमा अबैध लागूऔषधको कारोवार भइरहेको छ भन्ने गोप्य सूचनाको आधारमा इलाका प्रहरी कार्यालय छपिया र लागूऔषध नियन्त्रण ब्युरो शाखा कार्यालय, भैरहवाबाट खटिएको संयुक्त प्रहरी टोलीले एकजनालाई पक्राउ गरेको हो ।

Advertisement

पक्राउ पर्नेमा कपिलवस्तुको कपिलबस्तु नगरपालिका–१०, जगदिशपुर बस्ने वर्ष ३४ को नागराजसिंह क्षेत्री छन् । उनको साथबाट प्रहरीले लागूऔषध खैरो हिरोइन जस्तो देखिने धुलो पदार्थ १० पुरिया तौल ५० ग्राम बरामद गरेको छ । यस्तै, उनले प्रयोग गरेको लु ४० प ६५१९ नम्बरको मोटरसाइकल पनि नियन्त्रणमा लिइएको छ ।

उनीविरुद्ध रुपन्देही जिल्ला अदालतबाट १० दिन म्याद थप भई आवश्यक अनुसन्धान कार्य जारी रहेको प्रहरीले जनाएको छ ।