सरकारकै डिजाइनमा सुन तस्करीको धन्दा चल्योः महासचिव पोखरेल
नेकपा एमालेका महासचिव शङ्कर पोखरेलले सुनको धन्दा सरकारले नै गर्छ भन्ने कुरा प्रस्ट भएको बताएका छन् । आज वीरेन्द्रनगरमा पत्रकारसँग अन्तरक्रिया कार्यक्रममा उनले सरकारकै डिजाइनमा सुन तस्करीको धन्दा चलेको आरोप लगाए ।
Advertisement
उनले भने, ‘अहिलेको सरकारले जे गरिरहेको छ यसरी देश चल्छ ? ललिता निवासको अनुसन्धान हेर्दा यसलाई कसरी सुशासनका लागेको सरकार भन्ने ? यी सबै काम सरकारकै डिजाइनमा भएकोले एमालेले संसद् अवरुद्ध गरेको हो ।’
Advertisement
नक्कली भुटानी शरणार्थी प्रकरण पनि सरकारको चाहनाले भन्दा पनि अमेरिकन दबाबले अघि बढेको पोखरेलले बताए । यस प्रकरणमा पनि निष्पक्ष छानबिन हुन नसकेको उनको आरोप छ ।
ललिता निवास प्रकरणको घरमा मुछिएकाहरूलाई घर-घरमा गएर अनुसन्धान तथा बयान लिएकोमा पनि उनले सीआइबीको आलोचना गरे । सरकारले सुशासनको गफ हाँके पनि निष्पक्ष रूपमा काम गर्न नसकेको उनको भनाइ थियो ।
प्रतिकृया दिनुहोस्