पाल्पामा बस दुर्घटना

पाल्पा- गुल्मीको मजुवाबाट बुटवलतर्फ आउँदै गरेकाे लु १ ख ५९५२ नम्वरको बस रिव्दीकोट गाउँपालिका वडा नंं २ लघुवा, पाल्पामा दुर्घटना भएको छ । अपरान्ह साढे ४ बजेको समयमा दुर्घटना भएको बस सडकबाट करिव १ सय मिटर तल खसेको पाल्पा प्रहरीले जनाएको छ ।

अहिले घटनास्थलमा जिल्लाबाट खटिएको प्रहरी, हार्थाेक र अर्गली प्रहरी चौकीबाट खटिएको प्रहरी र स्थानीयवासीहरु उद्धारामा जुटेका छन् । बस सडको डिल भासिएर दुर्घटना भएको स्थानीयवासी विश्व कार्कीले बताए । घटनास्थलमा घाइतेहरुको उद्धार गरी अस्पताल पठाउने काम भइरहेको छ ।

घटनास्थलमा खोजी कार्य भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले बताए । घटनास्थलमा केही व्यक्तिको मृत्यु भएको स्थानीयबासीले बताए पनि प्रहरीले घटनाको पुष्टि गरेको छैन । थप विवरण आउन बाँकी रहेको छ ।