अबिर लगानु पूर्व घाइते भेट्न पुगे मेयर खान

भैरहवा- सिद्धार्थनगर नगरपालिका वडा नं. १० मा एमाले उम्मेदवार सुर्जमन अहिर यादब निर्वाचित भएपछि बिजयी उत्सव मनाउने क्रममा मिनी ट्रक दुर्घटना हुँदा घाइते भएकाहरुलाई सिद्धार्थनगरका नवनिर्वाचित मेयर इस्तियाक अहमद खानले भेटेर स्वास्थ्य अबस्थाबारे जानकारी लिएका छन् ।

निर्वाचन परिणाम आउनसाथ उनी भैरहवास्थित युनिभर्सल मेडिकल कलेजमा पुगेर उपचाररत घाइतेहरुको स्वास्थ्य अवस्थाबारे जानकारी लिँदै उपचारमा कुनै कसर बाँकी नराख्न अस्पताल प्रशासनलाई आग्रह समेत गरे ।

घाइतेहरुको स्वास्थ्य अवस्थाका बारे जानकारी लिएपछि मात्र खान मतगणनास्थल पुगेकाे नेपाली काङ्ग्रेस सिद्धार्थनगरका सभापति कोशिशबहादुर खड्काले जानकारी दिए। आज भएको दुर्घटनामा २६ जना घाइते भएका थिए ।