गुरुङ भन्छन्, ‘बुटवलबासी हुँ भन्दा गर्व गर्ने बनाउँछु’

बुटवल– बुटवल उपमहानगरपालिकाका उपमेयरका उम्मेद्वार चिनबहादुर गुरुङले मतदाताहरुमाझ बुटवलबासी हुुँ भन्दा गर्वगर्न लायक बनाउने प्रतिबद्धता जनाएका छन् । पाँच दलीय गठबन्धनका तर्फबाट बुटवलको उपमेयर उम्मेदवार बनेका उनले बुटवलको मुख्य सडकको अस्तव्यस्तता, भित्री सडकको व्यवस्थापन गर्दै सुन्दर र व्यवस्थित बुुटवल बनाउने मतदाताहरुलाई विश्वास दिलाएका छन् ।

Advertisement

पछिल्लो पाँच वर्षमा सडक निर्माणमा स्थानीय सरकारले चासो दिन नसक्दा बुटवलबासी भन्न लाजमर्दो भएकाले आफूूले गर्व गर्न लायक बनाउने प्रतिबद्धता जनाएका हुन् । शनिबार बुटवल उपमहानगरपालिका वडा नं. ३, १० र १२ मा मतदातासँगको भेटघाटमा उपमेयर गुरुङले अब बुुटवलमा अव्यवस्थित बसोबासी, सुुकुुम्बासी समस्या, ट्राफिक व्यवस्थापन, चुरे पहाडको पहिरो, खानेपानी, फोहोर व्यवस्थापनलाई पहिलो प्राथमिकतामा राखेर काम गर्ने बताए ।

Advertisement

‘म २०५४ सालदेखि जनप्रतिनिधि भएर बुुटवलबासीको सेवामा खटिएको छुु, बुटवलबासीले चाहेको, खोजेको विकास भएको छैन, अब त्यसको नेतृत्व गठबन्धनले गर्नेछ’, उनले भने । उनले आफू जनप्रतिनिधिका रुपमा रहे पनि एमाले नेतृत्वले काम गर्ने वातावरण नबनाएको बताउँदै त्यसैले विद्रोह गरेको सुनाए । उनले मतदातामाझ आफूहरुले जे काम गर्ने हो, त्यही काम मात्रै गर्ने प्रतिबद्धता जनए ।

जनताको घरदैलौमा पुुगेका गुुरुङलाई मतदाताहरुले बुटवलबासी भनेर गर्व गर्न लायक बनाउन सुुझाव दिएका थिए । बृद्ध आमा, बुुवा र युुवाहरुले आफूलाई मत दिने आश्वासन दिएको उनले बताए । बुटवलमा गठबन्धनबाट काँग्रेसका खेलराज पाण्डे मेयर र नेकपा एकीकृत समाजवादीका गुरुङ उपमेयरमा उम्मेद्वार छन । बुुटवलमा काँग्रेस, एकीकृत समाजवादी, नेकपा माओवादी केन्द्र, जनता समाजवादी पार्टी र राष्ट्रिय जनमोर्चासंग चुनावी तालमेल गरि गठबन्धन कायम छ ।