जैसवाल जसपाबाट सिद्धार्थनगको मेयर उम्मेदवार सिफारिस

भैरहवा– समाजवादी पार्टी, नेपाल (जसपा)ले रुपन्देहीको सिद्धार्थनगर नगरपालिकाको प्रमुख (मेयर)को उम्मेदवारमा अर्जुनप्रसाद जैसवाललाई सर्वसम्मत सिफारिस गरेको छ ।

जसपा सिद्धार्थनगरका अध्यक्ष समेत रहेका जैसवाललाई मेयर पदमा सर्वसम्मत सिफारिस गरिएको पार्टीले जनाएको छ । जैसवाल यसअघि २०७४ को स्थानीय तह निर्वाचनमा तत्कालिन संघीय समाजवादी फोरम, नेपालबाट सिद्धार्थनगरमा मेयर पदको उम्मेदवार थिए । यसअघि जसपा सिद्धार्थनगरले पाँचदलीय गठबन्धनमा सहभागी नहुने निर्णय गरिसकेको छ ।