सिद्धार्थनगर–६ मा एमालेको प्रचार कार्यालय

भैरहवा– नेपाल एमालेले सिद्धार्थनगर नगरपालिका–६ मा निर्वाचन प्रचार–प्रसार कार्यालयको स्थापना गरेको छ । एमाले केन्द्रीय निर्वाचन आयोगका सदस्य भरतकुमार पोखरेलले उक्त प्रचार कार्यालयको उद्घाटन गरेका छन् ।

नेता पोखरेलले निर्वाचनको प्रचारप्रसारलाई व्यवस्थित गर्न कार्यालय खोलिएको बताए । उनले एमाले नेतृत्वको सरकारले धेरै राम्रो कामहरु गरेको बताए । एमाले नेतृत्वको सरकारले गरेका कामहरुको प्रचारप्रसार गर्नुपर्ने उनको भनाइ थियो । एमाले लुम्बिनी प्रदेश कमिटी सचिवालय सदस्य विश्वराज बराल (अनुप)ले मुलुक र जनताको पक्षमा काम गर्ने पार्टी एमाले मात्रै भएको दावी गरे ।

पार्टीका सिद्धार्थनगर कमिटीका अध्यक्ष चक्र बहादुर थापाले निर्वाचनमा जाँदा गठबन्धनका कुरा आए पनि गठबन्धनसँग डराउनुपर्ने कुनै कारण नरहेको बताए । एमाले सिद्धार्थनगर–६ का अध्यक्ष रामदयाल गुप्ताले आगामी निर्वाचनमा एमालेको जीत सुनिश्चित रहेको बताए ।