गुलाब चक्रवातको अप्रत्यक्ष प्रभाव, वर्षाको सम्भावना भने न्यून
गुलाब नामक शक्तिशाली चक्रवातको अप्रत्यक्ष प्रभावका कारण देशभर बदलीको अवस्था भए पनि त्यसकै कारण वर्षाको सम्भावना न्यून रहेको जल तथा मौसम पूर्वानुमान महाशाखाले जनाएको छ।
गएको शुक्रबार बंगालको खाडीमा गहिरो न्यून चापीय क्षेत्र बन्न सुरु भई शनिबार बनेको गुलाब नामक शक्तिशाली चक्रवात आइतबार राति भारतको उडिसाको जमिनमा अवतरण भएको हो।
Advertisement
यसको अप्रत्यक्ष परिधीय असरका कारण नेपालमा आंशिकदेखि सामान्य बदलीको अवस्था हुनसक्ने तर यसको असरका कारण देशमा वर्षा हुने सम्भावमा भने न्यून रहेको मौसमविद्ले बताएका छन्।
मनसुन न्यून चापीय रेखा अहिले औसत स्थानभन्दा केही दक्षिणतिर रहेको पनि महाशाखाले जनाएको छ।
अहिले गण्डकी र लुम्बिनी प्रदेशमा सामान्यदेखि पूर्ण बदली रही देशका बाँकी भू–भागमा आंशिकदेखि सामान्य बदली रहेको छ।
सोमबार दिउँसो देशभर आंशिकदेखि सामान्य बदली रही केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ।
यस्तै राति पनि देशभर आंशिकदेखि सामान्य बदली रही थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।
यसैबीच पहाडी भू–भागमा भू–क्षय, पहिरो तथा गेग्रान बहावको जोखिमसँगै नदीनाला र खहरे खोलामा पानीको सतह बढ्न सक्ने भएकाले सामान्य सतर्कता अपनाउन मौसमविद्ले आग्रह गरेका छन्।
- रूपन्देही सुपरलिगः एमसीसी ८० रनले विजयी
- लुम्बिनीमा अब जनशक्ति अभाव हुँदैनः मुख्यमन्त्री आचार्य
- कथाः घुम्ती अनेक, सवाल एक
- युवतीको छल
- परासीबाट सवारी लाइसेन्स बितरण भएपछि सेवाग्राहीलाई सहज
- देवदहका बौद्ध गतिविधि र सम्पदा संरक्षणमा स्थानीयहरूलाई जोड्ने प्रयास
- आफ्नै शक्तिको बलमा माओवादीले आगामी चुनाव लड्छः प्रचण्ड
- रुपन्देही अदालतमा थुनछेक बहसः रविले अन्तर्राष्ट्रिय कानुन ‘ह्वाइट कलर क्राइम’ गरेको जिकिर
- राजस्व संकलनमा वृद्धि
- सिद्धबाबा सुरुङमार्गको आज ‘ब्रेक थ्रु’
प्रतिकृया दिनुहोस्