लुम्बिनीमा जसपा प्रदेशसभा सदस्य निर्मलाले गरिन सपथ ग्रहण

बुटवल– लुम्बिनी प्रदेशसभा सदस्य निर्मला भट्टराई मुडभरीले सपथ ग्रहण गरेकी छन् । जनता समाजवादी पार्टी (जसपा) नेपालको तर्फबाट निर्वाचित समानुपातिक सांसद मुडभरीले बुधबार पद तथा गोपनीयताको सपथ ग्रहण गरेकी हुन् ।

लुम्बिनी प्रदेश सभाको विषयगत समितिको सभाहलमा सभामुख पूर्णबहादुर घर्तीले मुडभरीलाई मध्यान्न सपथ ग्रहण गराएका हुन् । पार्टीको ह्वीपविपरीत शंकर पोखरेल नेतृत्वको निवर्तमान सरकारमा सहभागी भएपछि पार्टीले कल्पना पाण्डे लम्साललाई कारवाही गरेको थियो ।

पार्टीको कारबाही पछि लम्साल पदमुक्त भएकी थिइन् । उनको ठाउँमा जसपाले मुडभरीलाई सांसद बनाउन सुफारिस गरेको थियो । सोहीअनुसार निर्वाचन आयोगले मुडभरीलाई निर्वाचित गरेको हो ।