टिप्पर दुर्घटनामा चालकको मृत्यु

भैरहवा– सिद्धार्थ राजमार्गको बुटवल–पाल्पा खण्डमा टिप्पर दुर्घटना परेको छ । पाल्पाको चरचरेमा टिप्पर दुर्घटना हुँदा १ जनाको मृत्यु भएको छ ।

तानसेनबाट चुनढुंगा लिएर बुटवलतर्फ आउँदै गर्दा लु २ ख् ८२० नम्बरको टिप्पर दुर्घटना भएको हो । दुर्घटनामा टिप्पर चालकको मृत्यु भएको हो छ ।

Advertisement

प्रदेश ट्राफिक प्रहरी कार्यालय बुटवलकाअनुसार पाल्पा पूर्वखोला गाँउपालिका–५, बिरकोटका २६ वर्षीय सुदिप गैरेको मृत्यु भएको हो । दुर्घटनामा गम्भीर घाइते भएका उनको उपचारका लागि लुम्बिनी मेडिकल कलेज प्रवास लैजाँदै गर्दा मृत्यु भएको प्रहरी जनाएको छ ।

लगातारको वर्षाले चिप्लो बनेको सडकमा टिप्पर चिप्लीएर सडकबाट १५० मिटर तल खसेको प्रहरीले जनाएको छ ।