डिएसपी नेपाल पुर्पक्षकालागि थुनामा

पब्लिक कुरा
२०८२ पुष १९

617 Share

भैरहवा–बहुबिवाहको अभियोगमा पक्राउ परेका नेपाल प्रहरीका प्रहरी नायव उपरिक्षक (डिएसपी) मधु नेपाल पुर्पक्षका लागि कारागार चलान भएका छन् । रुपन्देही जिल्ला अदालतलले उनलाई पुर्पक्षका लागि थुनामा राख्ने आदेश गरेको हो ।

उनिसँगै पक्राउ परेकी गिता पुरीलाई भने ३० हजार रुपैयाँ धरौटीमा छाड्ने आदेश अदालतले गरेको छ । उनिहरु माथि बहु बिवाहको उजुरी परेपछि डिएसपी नेपाल र गिता पुरी बिरु पक्राउ पुर्जी जारी भएको थियो । पक्राउ पुर्जी जारी भएपछि उनिहरु दुवैजना मंसिरको तेश्रो हप्ता रुपन्देही प्रहरी समक्ष सम्पर्कमा आएका थिए ।

नेपालकी जेठी श्रीमती तारा नेपाल खनालले उनिहरु बिरुद्ध बहुबिवाहको उजुरी प्रहरी समक्ष दिएकी थिइन् । रुपन्देही जिल्ला अदालतका न्यायधिश चाणक्यमणिको इजलासबाट शुक्रवार यो आदेश भएको हो ।
नेपाल जिल्ला प्रहरी कार्यालय पूर्वी नवलपरासीमा कार्यरत थिए । भने, पुरी बुटवल धागो कारखानास्थित नेपाल प्रहरी बिशेष सुरक्षा गणमा कार्यरत असइ हुन् ।

पुरीसँग आफ्नो प्रेम सम्बन्ध रहेको र ‘लिभिगँ टुगेदर’का क्रममा बच्चा जन्मिएको कुरा नेपालले अदालत समक्ष बताएको एकजना कानुन व्यवसायीले पब्लिक कुरासँग बताए । ति कानुन व्यसायीका अनुसार, ताराबाट एक छोरीको जन्म भएपछि पुन सन्तान जन्माउन स्वास्थ्य समस्या हुन सक्ने अवस्था देखिएपछि ताराले नै अर्को विवाह गर्न आँफुलाई स्वीकारोक्ति दिएको दावी नेपालले गरेका थिए ।

पुरीबाट नेपालको दुई सन्तान जन्मेका छन् । २०७८ मा पहिलो सन्तान छोरी र २०८१ मा छोराको जन्म भएको हो । नेपाल बुटवलका बासिन्दा हुन् ।