सडक दुर्घटनामा दुईजनाको मृत्यु

पब्लिक कुरा
२०८२ मंसिर २९

688 Share

भैरहवा–हुलाकी राजमार्ग अन्र्तगत भैरहवा–परासी सडक खण्डमा पर्ने रुपन्देहीको रोहिणी गाउँपालिका–३, परासीझुमामा सोमवार भएको सडक दुर्घटनामा दुईजनाको मृत्यु भएको छ ।

जिल्ला ट्राफिक प्रहरी कार्यालय रुपन्देहीका अनुसार, सडक किनारमा रोकिराखेको युपी एचआर ५५ डब्लु ०३०१ नम्बरको भारतीय ट्रकसँग परासीबाट भैरहवातर्फ आउँदै गरेको ग ११ प ८६२५ नम्बरको मोटरसाइकल बिहान करिव ६ बजेतिर ठोक्किएर दुर्घटना भएको थियो ।

उक्त दुर्घटनाबाट गम्भिर घाइते भएका मोटरसाइकलमा रहेका दुईजना यात्रुको उपचारका क्रममा मृत्यु भएको जिल्ला ट्राफिक प्रहरी कार्यालय रुपन्देहीकी प्रमुख प्रहरी निरीक्षक प्रतिमा कार्कीले बताइन् ।

उनका अनुसार, मृत्यु हुनेमा रुपन्देहीको ओमसतिया गाउँपालिका –३ बरसरी बस्ने २१ बर्षिय राजु हरिजन र २३ बर्षिय रोहित यादव रहेका छन् । दुर्घटनाबाट गम्भिर घाइते भएका दुवैजनालाई तत्कालै उपचारकालागि भैरहवास्थित युनिभर्सल शिक्षण अस्पताल पुर्याइएको थियो ।

भारतीय ट्रक चालक भारत उत्तरप्रदेशस्थित सहारानपुर बस्ने ६० बर्षिय उमद गफर अलि सहित ट्रकलाई प्रहरीले नियन्त्रणमा लिएको छ ।