सामूहिक विद्यालय परिवार रुपन्देहीको ‘सामूहिक खेलकुद महोत्सव–२०८२’ सुरु

Advertisement

भैरहवा–छात्रातर्फको क्रिकेट प्रतिष्पर्धा गराउदै सामूहिक विद्यालय परिवार, रुपन्देहीको ‘सामूहिक खेलकुद महोत्सव–२०८२’ शुक्रवारदेखि भैरहवामा सुरु भएको छ । भैरहवा र आसपास क्षेत्रमा संचालित निजी विद्यालयहरुको छाता संगठन सामूहिक विद्यालय परिवार, रुपन्देहीले बर्षेनी आयोजना गर्ने सामूहिक खेलकुद महोत्सव अन्र्तततको यो शृंखला २२ औं हो ।

Advertisement

भैरहवास्थित सिद्धार्थ क्रिकेट खेल मैदानमा सञ्चालित सञ्चालित सामूहिक क्रिकेट कप २०८२ अन्र्तगत छात्रातर्फको प्रतिष्पर्धामा आठ वटा बिद्यालयका टिम सहभागी थिए । सवै प्रतिष्पर्धा ८ ओभरमा गराइएको छ ।

नेपाल नालन्दा आवाशिय उच्च मावि र युनिभर्शल इग्लिश बोर्डिङ स्कुल बिच भएको उद्घाटन खेलमा नेपाल नालन्दाले बिजयी सुरुवात गर्दै पहिलो सेमीफाइनलमा समेत बजियी बनेको छ । उद्घाटन खेलमा प्लेयर अफ द म्याच नेपाल नालन्दाकी शुष्मा थारु भएकि छन् ।

संजिवनी बोर्डिङ स्कुल र लर्ड बुद्ध इग्लिश बोर्डिङ स्कुल बिच भएको दाश्रो खेलमा संजिवनी बोर्डिङ स्कुल बिजयी भएको थियो । संजिवनीकी सालिमा नेपाली प्लेयर अफ द म्याच भएकि छन् । सतिया इग्लिश बोर्डिङ स्कुल र न्य ईरा इग्लिश बोर्डिङ स्कुल बिच भएको तेस्रो खेलमा सतिया इग्लिश बोर्डिङ स्कुल बिजयी भएको छ । सतियाकी भारती हरिजन प्लेयर अफ द म्याच भइन ।

स्पाञ्जल इग्लिश बोर्डिङ स्कुल र आदर्श बिद्या मन्दिर बिच भएको चौथो खेलमा स्पाञ्जल इग्लिश बोर्डिङ स्कुल बिजयी भएको छ । स्पाञ्जलकी सुगन्धा चौहान प्लेयर अफ द म्याच भइन । नेपाल नालन्दा र स्प्राञ्जल बिच भएको पहिलो सेमी फाइनलमा नेपाल नालन्दा बिजयी भएको छ । नेपाल नालन्दाले १ सय ९ रना बनाएको थियो । स्पाञ्जल ५९ रन मैं सिमीत रह्यो । नेपाल नालन्दाकी शुष्मा थारु प्लेयर अफ द म्याच भइन ।

यसअघि रुपन्देही क्रिकेट संघका अध्यक्ष हरि बहादुर थापाले उक्त क्रिकेट प्रतियोगिताको उद्घाटन गरेका थिए । सामूहिक विद्यालय परिवारका अध्यक्ष समसाद इद्रिसीले विद्यार्थीहरुको शारिरीक र मानसिक विकासका लागि तथा उत्कृष्ट विद्यार्थीलाई स्थानीय, राष्ट्रिय र अन्तर्राष्ट्रिय स्तरमा अवसर उपलब्ध गराउनका लागि यो खेलकुद महोत्सव आयोजना गरिएको बताए ।

निजी विद्यालयहरुमा आपसी सम्बन्ध कायम गर्न, विद्यार्थीहरुबीच बौद्धिक, शैक्षिक, सांस्कृतिक लगायत प्रतिस्पर्धालाई निखारता ल्याउन र सामाजिक उत्तरदायित्वलाई बढवा दिनकालागि पनि महोत्सव आयोजना गरिएको हो । उनका अनुसार खेलकुद महोत्सवमा १ हजार २ सय विद्यार्थीले विभिन्न विधामा प्रतिष्पर्धा गर्नेछन् ।

खेलका सबै बिधामा छात्र र छात्रातर्फ छुट्टाछुट्टै प्रतिष्पर्धा गराइने छ । महोत्सव अन्तर्गत मंसिर १९ देखि २२ गतेसम्म सिद्धार्थ रंगशालामा क्रिकेट प्रतियोगिता मंसिर २३ र २४ गते नेपाल नालन्दा आवासीय माविमा भलिबल प्रतियोगिता र मंसिर २७ देखि २९ गतेसम्म पक्लिहवा कृषि क्याम्पसको खेल मैदानमा एथलेटिक्स अन्तर्गका विभिन्न खेलकुद हुनेछन् ।