कपिलवस्तुका काँग्रेस सांसद शाहलाई तत्काल पक्राउ नगर्न सर्वोच्चको आदेश

पब्लिक कुरा
२०८३ श्रावण ६

560 Share

कपिलवस्तु– पक्राउ पुर्जी जारी भउपछि सर्वोच्च अदालत गुहारेका नेपाली कांग्रेस कपिलवस्तुका सांसद अभिषेकप्रताप शाहलाई केही राहत मिलेको छ । सर्वोच्च अदालतले अल्पकालीन अन्तरिम आदेश जारी गर्दै उनलाई तत्काल पक्राउ नगर्न आदेश दिएको छ ।

बुधबार न्यायाधीश अब्दुल अजीज मुसलमानको एकल इजालासले सरकारका नाममा यसप्रकारको अल्पकालीन अन्तरिम आदेश जारी गरेको हो ।

यस्तै, अन्तरिम आदेशका लागि दुवै पक्षलाई छलफलका लागि बोलाएको छ । यसअघि मंगलबार सांसद शाहले आफूविरुद्ध जारी भएको पक्राउ पुर्जी बदरको माग गर्दै गृहमन्त्रालय, कपिलवस्तु जिल्ला अदालत र जिल्ला प्रहरी कार्यालय, कपिलवस्तुलाई विपक्षी बनाएर रिट निवेदन दिएका थिए ।

शाह कपिलवस्तु क्षेत्र नं ३ बाट निर्वाचित प्रतिनिधिसभा सदस्य हुन् । उनीविरुद्ध कुटपिटको आरोपमा कपिलवस्तु जिल्ला अदालतबाट पक्राउ पुर्जी जारी भएको थियो ।