रूपन्देही उद्योग संघमा प्लाष्टिक वस्तुगत समिति गठन, संयोजकमा पौडेल

Advertisement

बुटवल– रुपन्देही उद्योग संघमा आवद्ध प्लाष्टिक उद्योगीहरुको भेलाले मंगलबार प्लाष्टिक वस्तुगत समिति गठन गरेको छ । संघका प्रथम उपाध्यक्ष एवं कार्यक्रम संयोजक हरि बहादुर खत्रीको अध्यक्षता एवं संघका अध्यक्ष कृष्णप्रसाद पराजुलीको प्रमुख आतिथ्यता, संघका पदाधिकारी तथा कार्यसमिति सदस्यहरु एवं प्लाष्टिक उद्योगीहरुको उपस्थितीमा भेला सम्पन्न भएको होे ।

Advertisement

प्लाष्टिक उद्योगीहरुको भेलाबाट फाइभ स्टार म्याट उद्योगका संचालक केशरमणि पौडेलकोे संयोजकत्वमा ७ सदस्यीय वस्तुगत समिति गठन गरिएको छ । गठित समितिको सह–संयोजकमा पूजा प्लाष्टिक इण्डष्ट्रिज उद्योगका लोकनाथ भट्टराई, सचिवमा तिलगंगा प्लाष्टिक उद्योगका श्री लोकेन्द्र सिंह आङबुहाङ, सदस्यहरुमा शुभम प्लाष्टिक उद्योगका श्री शिव प्रसाद भट्टराई, सत्यम पोलिमर्स उद्योगका शिशिर पौडेल, नेबिगोल्ड प्लाष्टिक इण्डष्ट्रिज प्रा.लि.का लक्ष्मण प्रसाद गैरे र श्री पवन पुत्र प्लाष्टो इण्डष्ट्रिज प्रा.लि.का श्रृजन पाण्डे छन्।

भेलाले समितिको सल्लाहकारहरुमा संघका प्रथम उपाध्यक्ष हरिबहादुर खत्री, द्वितिय उपाध्यक्ष युवराज आचार्य, महासचिव सुमन वस्याल, कार्यसमिति सदस्य प्रज्वल थान्जु, लालप्रसाद बस्याल (दिपक), दिलु शाही र सल्लाहकार हिरामणी भट्टराईलाई चयन गरेको छ ।

संघका अध्यक्ष पराजुलीले नवगठित समितिलाई बधाई एवं शुभकामना दिए । उनले उद्योगीका समस्याहरु बुँदागत र तथ्यगत रुपमा अध्ययन गरी रुपन्देही उद्योग संघ सम्म ल्याई पुर्याउन आग्रह गरे । साथै समिति क्रियाशिल ढंगबाट औद्योगिक विकासमा कटिवद्ध रहने विश्वास व्यक्त गरे ।

भेलामा नवगठित समितिका संयोजक केशरमणि पौडेलले हाल प्लाष्टिक जन्य उद्योगीहरुले विषम परिस्थिती झेलीरहेको जानकारी गराउँदै उद्योगीहरुलाई गोलबन्द गरी सामूहिक आवाज उठाउने र औद्योगिक विकासमा क्रियाशिल रहने प्रतिबद्धता व्यक्त गरे । कार्यक्रम संयोजक तथा प्रथम उपाध्यक्ष हरिबहादुर खत्रीले वस्तुगत समिति गठनको उद्देश्य माथी प्रकाश पारे । संघका सचिव अशोक कुवँरको संचालनमा सम्पन्न भेलामा संघका कोषाध्यक्ष बिशाल बेलवासे कार्यसमिति सदस्य प्रज्वल थान्जु, लालप्रसाद बस्याल (दिपक) र दिलु शाही एवं विभिन्न प्लाष्टिक उद्योगीहरुको उपस्थिति रहेको थियो । भेलामा संघका द्वितिय उापाध्यक्ष युवराज आचार्यले धन्यवाद ज्ञापन गरेका थिए ।