कांग्रेसबाट टिकट नपाएपछि प्रमोद यादव बने एमालेबाट उम्मेदवार

भीम भण्डारी
२०८२ माघ ६

911 Share

भैरहवा– नेपाली कांग्रेसबाट टिकट नपाएपछि नेता प्रमोदकुमार यादवले नेकपा एमालेबाट उम्मेदवारी दर्ता गरेका छन्। उनले रुपन्देही क्षेत्र नम्बर चारमा एमालेबाट उम्मेदवारी दिएका हुन् ।

मंगलवार बिहानसम्म रुपन्देही ४ मा नेपाली कांग्रेसबाट उम्मेदवारी दिने गरी निर्णय गरेको भए पनि टिकट आशुतोष मिश्रलाई दिएपछि यादव एमाले प्रवेश गरी उम्मेदवार बनेका हुन् । उनी २०७४ मा सोही क्षेत्रबाट निर्वाचित भएका थिए । २०७९ मा भने पराजित भएका थिए ।

यो क्षेत्रबाट जसपा नेपालका सर्वेन्द्रनाथ शुक्ला, रास्वपाबाट कन्हैया यादव, काँग्रेसबाट आशुतोष मिश्र, जनमतबाट भोपेन्द्र यादवले उम्मेदवारी दर्ता गरेका छन् ।