भ्यु टावरबाट

भ्यु टावरबाट अलिकति आँसु देखिन्छ
अलिकति हाँसो देखिन्छ
चियाएर हेर्नोस्
मजदुरको पासो देखिन्छ

भ्यु टावरबाट सचित्र देखिन्छ
मानिसको चरित्र देखिन्छ
जति माथि चढ्नोस्
झन्झन् दरिद्र देखिन्छ

Advertisement

भ्यु टावरबाट चोट देखिन्छ
पखालाले थलिएको कालीकोट देखिन्छ
जीवनजल नपाएर छटपटिँदा
आफ्नै भोटमा खोट देखिन्छ

भ्यु टावरबाट सत्कार देखिन्छ
चेलीको चीत्कार देखिन्छ
पेट भोको छ
बजेटको बलात्कार देखिन्छ

baarakhari