अमेरिकाबाट पाकिस्तानले एआईएम–१२० एएमआरएएएम मिसाइलहरू अग्रिम प्राप्त गर्ने

पाकिस्तानले अमेरिकाको सम्बन्धमा सुधार आएपछि पाकिस्तानले अमेरिकाबाट एड्भान्स मिडियम–रेन्ज एयर–टु–एयर मिसाइल (एआईएम–१२० एएमआरएएएम) प्राप्त गर्ने सम्भावना रहेको छ ।

Advertisement

अमेरिकाको रक्षा मन्त्रालयद्वारा जारी गरिएको हतियार सम्झौताको सूचनामा एआईएम–१२० एएमआरएएएम खरिद गर्ने देशहरूको सूचीमा पाकिस्तानको नाम पनि समावेश गरिएको द एक्सप्रेस ट्रिब्युन अखबारले उल्लेख गरेको छ ।

अमेरिकी रक्षा मन्त्रालयका अनुसार, एआईएम–१२० एएमआरएएएमको निर्माता कम्पनी रेथियानलाई पहिले प्रदान गरिएको अनुबन्धमा चार करोड १६ लाख डलरभन्दा बढीको ‘परिमार्जन’ दिइएको छ । यो परिमार्जनले पाकिस्तानलाई विदेशी सैन्य सामान बिक्री प्राप्तकर्ताहरूको सूचीमा राख्दै, अनुबन्धको कुल मूल्य २.५१ अर्ब डलरभन्दा बढी पुर्‍याएको छ ।

“यो सम्झौतामा बेलायत, पोल्यान्ड, पाकिस्तान, जर्मनी, फिनल्यान्ड, अस्ट्रेलिया, रोमानिया, कतार, ओमान, दक्षिण कोरिया, ग्रीस, स्विट्जरल्यान्ड, पोर्चुगल, सिंगापुर, नेदरल्यान्ड्स, चेक गणतन्त्र, जापान, स्लोभाकिया, डेनमार्क, क्यानाडा छन्,” सूचनामा भनिएको छ,  “बेल्जियम, बहराइन, साउदी अरब, इटाली, नर्वे, स्पेन, कुवेत, फिनल्यान्ड, स्वीडेन, ताइवान, लिथुआनिया, इजरायल, बुल्गेरिया, हंगेरी र टर्कीलाई विदेशी सैन्य बिक्रीमा समावेश गरिएको छ ।”

यसमा यो आदेशमाथि काम सन् २०३० को अन्त्यसम्ममा पूरा हुने अपेक्षा गरिएको उल्लेख छ ।

पाकिस्तानलाई कति नयाँ एआईएम–१२० एएमआरएएएम मिसाइलहरू डेलिभर हुनेछन् भन्ने कुरा अझै स्पष्ट छैन । तर, यो घटनाक्रमले पाकिस्तान वायु सेनाका एफ–१६ लडाकु विमानहरूको समूहमा सम्भावित स्तरोन्नति गर्ने अनुमान गरिएको छ ।

पकिस्तान एयर फोर्स सेवामा एआईएम–१२० मिसाइल विशेष रूपमा एफ–१६ फाइटर जेटसँग मात्र मिल्दो छ । द एक्सप्रेस ट्रिब्युनका अनुसार, फेब्रुअरी २०१९ मा विंग कमान्डर अभिनन्दन वर्तमानले उडाएको भारतीय वायु सेनाको मिग–२१ विमानलाई खसाल्न यही मिसाइल प्रयोग गरिएको थियो ।

रक्षा प्रकाशन कुवाका अनुसार, एआईएम–१२० सी ८,  एआईएम–१२० डीको निर्यात संस्करण हो, जुन अमेरिकी सेवामा एएमआरएएएमको मुख्य संस्करण हो । पकिस्तान एयर फोर्सले हाल यसको पहिलेको सी५ संस्करण प्रयोग गरिरहेको छ, जसका ५०० मिसाइल सन् २०१० मा नयाँ ब्लक ५२ एफ–१६ हरूसँगै खरिद गरिएको थियो ।

पकिस्तान एयर फोर्सका वायुसेना प्रमुख एयर चीफ मार्शल जहीर अहमद बाबरले जुलाईमा अमेरिकी विदेश विभागको भ्रमण गरेका थिए ।

यो घटनाक्रम पाकिस्तान र भारतबीच मे महिनामा भएको चार दिने सैन्य संघर्षपछि अमेरिका र पाकिस्तानबीचको सम्बन्धमा उल्लेखनीय सुधार आएको समयमा भएको हो । द इकोनोमिक्स टाइम्स ।